بابەتە سەرەکیەکە: سەرۆک وەزیرانی عێراق، دەستگیرکردنی بکوژی محەمەد باقر سەدر و خوشکەکەی راگەیاند و دەڵێت، کەس ناتوانێت لە یاسا رزگاری ببێت.

لێدوانی فەرمی: محەمەد شیاع سودانی سەرۆک وەزیرانی عێراق لە سەکۆی "ئێکس" رایگەیاند: پیاوانی ئاسایشی نیشتمانی، هاوشانی هەوڵە ئەمنیەکانی دەوڵەت، سەلماندیان کە خۆبەخشیان بە ئاڕاستەیەکی دروستدا دەڕوات، بۆ چەسپاندنی یاسا و دڵنیابون لەوەی کە کەس ناتوانێت لە یاسا رزگاری ببێت.

ئەمەشی وت: لەگەڵ بەدیهێنانی دادپەروەری بە دەستگیرکردنی ئه‌ندامانی سەرکوتکەری تاوانکاری رژێمی بەعس و بکوژانی ئایەتوڵڵا سەید محەمەد باقر سەدر و خوشکەکەی و کۆمەڵێک شەهید لە  بنەماڵەی ئال حەکیم و هەزاران عێراقی کە لە زیندانەکاندا بێدەنگ کران.

زیاتر: هەوڵی دڵسۆزانە بەهەمان گوڕ و تین بەردەوام دەبێت بۆ کارکردن و راوە دونانی هەموو ئەوانەی تاوانیان دژ بە عێراقییەکان ئەنجامداوە، لە هەموو کات و شوێنێکدا، ئەمە بەڵێنی ئێمەیە بۆ گەلەکەمان و هەموو چەوساوێک و شەهیدێک.

ئەوەی پێویستە بیزانیت: ناوبراو لە ساڵی 1980 لە سەردەمی دەسەڵاتی سەدام حسێن، سەرۆککۆماری پێشووی عێراق  و لەلایەن رژێمی پێشوەوە، بە تۆمەتی ھاوکاری و سیخوڕی لەگەڵ ئێران لە سێدارەدرا.