بابەتە سەرەکیەکە: نوری مالیکی سەرۆکی هاوپەیمانی دەوڵەتی یاسا لەگەڵ سەرۆک هۆز و شێخەكانی كەربەلا كۆبوەوە و وتارێكی پێشكەشكرد.

چی وت: مالیکی رایگەیاند: هەوڵ هەیە بۆ دەربازبون لە پرۆسەی سیاسی، هۆشداریشی دەدەین لە فیتنە، ئەگەر روبدات كۆتایی بە هەمو شتێک دەهێنێت، ئەوەی لە سوریا رویدا باشترین بەڵگەیە، هۆشداریی لە پاشماوەكانی داعش و حزبی بەعس دەدەین.

ئەمەشی وت: پاشماوەكانی داعش و حزبی بەعس ئامانجی دیكەیان هەیە و دەیانەوێت فیتنە بنێنەوە و دەستكەوتەكانی خەڵكک لەناوببەن، فشار هەیە بە مەبەستی هەڵوەشاندنەوەی یاسای دەستەی لێپرسینەوە و دادپەروەری و ئازادكردنی تیرۆریستان، ئێمە یاسای لێپرسینەوە و دادپەروەری هەڵدەوەشێنینەوە، رێگەش نادەین تیرۆریستان لە زیندانەكان ئازاد بكرێن.

زیاتر: كەسانێک هەن دەیانەوێت ئەزمونی سوریا لە عێراق دوبارە بكەنەوە، بەڵام عێراق وڵاتێكی سەقامگیر و دیموكراسییە، لە كۆمەڵگەكەماندا كەلێن و پێشێلکاریمان هەیە، كە دەبێت گرنگی پێبدەین، تائیفە و بەعسیەكان بەبێ سەرنجی دەزگا ئەمنییەكان جوڵەیان دەستپێكردوە، بەڵام تا ئێمە هەبین و ئامادەبین و چەکمان لە دەستدابێت ئەوان ناتوانن ئەو کارە بکەن.