بابەتە سەرەکیەکە: خانمی یەکەمی عێراق لە کۆشکی سەلام پێشوازی لە دکتۆرە جەمیلە عەلەم ئەلهودا، هاوسەری سەرۆکی کۆچکردوی ئێران ئیبراهیم رەئیسی کرد.

راگەیەندراوی فەرمی: شاناز ئیبراهیم ئەحمەد خانمی یەکەمی عێراق رایگەیاند:ئەمڕۆ لەکۆشکی سەلام پێشوازیم کرد لە دکتۆرە جەمیلە عەلەم ئەلهودا، هاوسەری سەرۆکی کۆچکردووی ئێران ئیبراهیم رەئیسی، پرسە و غەمباری قوڵی خۆم بۆ پەژارەی خێزانی و ئەو ساتە سەختانە دەربڕی کە گەلی ئێران بە لە دەستدانی بەرێز رەئیسی پێیدا تێپەڕین.

ئەمەشی وت: پێکەوە تاوتوێی پەیوەندییە رۆشنبیری و کلتورییەکان و رۆڵی میدیا لەهاندانی داهێنان و باشتر دابینکردنی شوێنی گونجاو و شایستەتر بۆ میوانانی شوێنە پیرۆزەکان لەعێراقمان کرد.

هاوکات: باسمان لە پێویستی هەماهەنگی زیاتری بابەتە ئەکادیمیەکان کردەوە کە ئاڵوگۆڕێکی پڕ بایەخ بێ و بەسودی پتەوکردنی پەیوەندی هەردوو وڵات بکەوێتەوە.