بابەتە سەرەکیەکە: بڕیار رەشید ئەندامی ئەنجومەنی نوێنەرانی عێراق و ئەحمەد زەرگانی بەڕێوەبەری گشتی كاروباری ماددە هۆشبەرەكان و كارتێكەرە ئەقڵییەكانی عێراق کۆبونەوە.

لێدوانی فەرمی: د. بڕیار رەشید ئەندامی ئەنجومەنی نوێنەرانی عێراق لە فراكسیۆنی یەكێتی بە میدیای فەرمی حزبەکەی راگەیاند: لەگەڵ لیوا ئەحمەد زەرگانی بەڕێوەبەری گشتی بەڕێوەبەرایەتی كاروباری ماددە هۆشبەرەكان و كارتێكەرە ئەقڵییەكانی وەزارەتی ناوخۆی عێراق بۆ گفتوگۆكردن لەسەر كۆمەڵێ پرسی ئەمنی لەنێوان هەرێمی كوردستان و عێراق كۆبوینەوە.

ئەمەشی وت: لەدرێژەی گفتوگۆكانماندا بەڕێوەبەری گشتی بەڕێوەبەرایەتی كاروباری ماددە هۆشبەرەكان و كارتێكەرە ئەقڵییەكانی عێراق پێی راگەیاندین، كە پارێزگای سلێمانی نمونەیەو لە بەگژداچونەوەی بازرگانیكردن بە ماددە هۆشبەرەكاندا لە ئاستێكی زۆر باشدایە، هەماهەنگییەكی باشمان لەگەڵ هێزە ئەمنییەكانی سلێمانیدا هەیە و خەمخۆری پاراستنی هەرێمی كوردستان و عێراقن.

زیاتر: لە كۆتایی كۆبونەوەكەدا هەردولا هاوڕابوین لەگرنگی هەماهەنگییەكان بۆ ئەوەی لەداهاتودا پلان و بەرنامەی تایبەت و میكانیزمی كرداری بۆ كەمكردنەوەی كاریگەریی نەرێنییەكان لەسەر كۆمەڵگا دابڕێژرێت.