بابەتە سەرەکیەکە: صلاح الدین بەهائەدین، ئەمینداری گشتیی یەكگرتوی ئیسلامیی كوردستان لە تۆڕی كۆمەڵایەتی "ئێكس" پەیامێكی پشتگیری بۆ مانگرتووانی سلێمانی نارد.

چی وت: بەدڵێکی نیگەران و هەستێکی بەحەسرەتەوە ،پەیامێکی برایانەی هاوسۆزی ونرخاندن ئەنێرم بۆ ئەو خوشک وبرا بەرێزە مانگرەی کەلەبری هەمو هاوڵاتیانی کوردستان بەم سەرماسۆڵەیە خۆیان خستوەتە نارەحەتی ومەترسی تەندروستیەوە.

ئەمەشی وت: تا حاڵەتی برسیکردن وستەمی بێپاساوی ئەم هەرێمە، بەو دیمەنە ناخ هەژێنە نمایش بکەن و بیکەنە پەیامی سکاڵای حاڵی ئەم میللەتە بەگشتی و موچەخۆران بەتایبەت بگەییەنە هەمو جیهان، وەک شێوازێکی سەردەم وئاشتیانە.

زیاتر: درود بۆ ئەو هیممەتە بڵندو فەرهەنگە باڵایەتان، سڵاو بۆ هەمو ئەوانەی هاوسۆزو هاوکارتانن، لەچالاکەوان و میدیاکار وسیاسەتمەدار ومافپەروەران ومرۆڤ دۆستان.

چی تر: بەهیوای بەئاگاهاتنەوەی دەسەڵاتدارانی بێباک و دۆزینەوەی چارەسەری خێرا.