بابەتە سەرەکیەکە: بەڕێوەبەرایەتی گشتی دژە تیرۆر، دەستگیرکردنی ژمارەیەک تیرۆرست لە سنوری کەرکوک راگەیاند.

راگەیەندراوی فەرمی: بەڕێوەبەرایەتی گشتی دژە تیرۆ رایگەیاند: لە ئۆپەراسیۆنێکی هاوبەشی هەواڵگری و سەربازیدا، هێزەکانی بەڕێوبەرایەتی گشتیی دژە تیرۆر - CTG، دەزگای دژەتیرۆری عێراق - ICTS و هێزەکانی هاوپەیمانان توانرا ژمارەیەک تیرۆرستی داواکراو دەستگیربکەن.

ئەمەش هەیە: تۆمەتبارە دەستگیرکراوەکان پێشتر شەڕکەر بون لە دیوانی جوندی رێکخراوی تیرۆریستی داعش و دوای روخانی ئەوەی ناودەبرا بە دەوڵەتی ئیسلامی، لە ناوچەکانی دەوروبەری کەرکوک خۆیان حەشارداوە.

زیاتر: تیرۆرستەکان لە ئێستادا رۆڵی سەرەکییان هەبوە لە دابینکردنی پێداویستی و کەرەستەی لۆجستی بۆ تۆڕ و شانە نوستو و چالاکەکانی داعش لە سنوری کەرکوک.

چی تر: هێزە ئەمنییەکان توانیان لە ئۆپەراسیۆنێکی وردی هەواڵگری و بێ زیاندا تۆمەتبارەکان دەستگیر بکەن و رادەستی دادگای تایبەتمەندیان بکەن بۆ لێپێچینەوەی یاسایی.

زانیاری زیاتر: ئەم ئۆپەراسیۆنە هاوبەشە نیشانەی هەماهەنگی و هاوکاریی بەردەوامی نێوان هێزە ئەمنییەکانە بۆ پاراستنی ئاسایش و سەقامگیریی ناوچەکە و بەرەنگاربونەوەی تیرۆر.