بابەتە
سەرەکیەکە: سەرۆکی دەستەی ژینگەی ھەرێمی کوردستان رایگەیاند، خواست لەسەر ئۆتۆمبیلی كارەبایی لە هەرێمی كوردستان زیادی
كردووە.
لێدوانی فەرمی: عەبدولڕەحمان سدیق سەرۆکی دەستەی ژینگەی ھەرێمی
کوردستان بە میدیای فەرمی پارتی رایگەیاند، دوای نوسراوی دەستەی ژینگە،
حکومەتی ھەرێم رەسمی گومرگی لەسەر ھاوردەکردنی ئۆتۆمبێلی تەواو کارەبایی بە ڕێژەی %100ھەڵگرت.
ئەوەشی وت: خواست لەسەر ئۆتۆمبێلی کارەبایی لە ھەرێمی کوردستان زیادی کردووە، چونکە سێ
ساڵ لەمەوپێش لە ھەرێم ژمارەی ئۆتۆمبێلی کارەبایی کەمبوون.
ئەوەشی خستەروو: لە رێکەوتی 16/2/2025حکومەت بڕیاریدا
پارەی یەکەم تۆمارکردنی ئۆتۆمبێلی تەواو کارەبایی وەرنەگرێت و لە پارەی ژینگەش خۆش
بێت.
وتیشی: چاوەڕێ دەکرێت ساڵانی
داھاتوو ژمارەیەکی زیاتری ئەو ئۆتۆمبێلە کارەباییانە ھاوردەی ھەرێمی کوردستان بکرێن،
دەستەی پاراستن و چاککردنی ژینگە داوای لە ئەنجومەنی وەزیران کردووە ئەو ئۆتۆمبێلانە
لە پارەی تابلۆش ببەخشرێن.