بابەتە
سەرەکیەکە: کەشناسی هەرێم بڵاویکردەوە، شەپۆلێكی بارانبارین تەواوی ناوچەكان دەگرێتەوە
و لە ئێوارەی ئەمڕۆوە دەستپێدەکات.
راگەیەندراوی
فەرمی: بەڕێوبەرایەتی کەشناسی هەرێم رایگەیاند، ئەمڕۆ چوارشەممە ئاسمان نیمچە هەوردەبێت و لە ئێوارەدا دەگۆڕێت بۆ هەورى تەواو، لەگەڵ دەستپێکردنى
بارانبارین.
ئەمەش هەیە: بارانبارین
سەرەتا لە سنورى ڕۆژئاواى هەرێم و سنورى پارێزگاى دهۆک دەبێت و بەشیک لە ناوچە
شاخاوییە سنورییەکان لە شەو درەنگدا کەمێک بەفر دەبارێت، هەروەها پلەکانی گەرما کەمێک
نزم دەبێتەوە.
ئاماژە
بەوەشکراوە: سبەی پێنجشەممە کەش هەور و باراناوى دەبێت، ئەم شەپۆلى باران بارینە سەرجەم
ناوچەکانی هەرێم دەگرێتەوە، هەروەها لە ناوچە سنورییەکان بەفر دەبارێت.
زیاتر: سەرەتا دابارین بەشێوە پچر پچر دەبێت، لە
شەودا هێز و تاوى باران زیاد دەکات بۆ بارانى مامناوەند و لە ناوچە شاخاوییەکان بۆ
لێزمە بارانى بەردەوام، لەگەڵ زیاد بونى خێراى با.