بابەتە سەرەکیەکە: وته‌بێژی بازاڕی دۆلاره‌كه‌ لە سلێمانی رایگه‌یاند، بازاڕی دۆلارەکه‌ به‌رپرس نیه‌ له بردنی ئەو پارە زۆرەیەی لە دوێنێوە باسی لێوەدەکرێت.

لێدوانی فەرمی: جه‌بار گۆران، وتەبێژی بازاڕی دۆلارەکە ئاماژەی بەوەکرد، له‌ ساڵانی نه‌وه‌ده‌كانه‌وه‌ تائێستا كه‌مترین حاڵه‌تی مایه‌پوچبون و زه‌ره‌ و پاره‌خواردن له‌ بازاڕی دۆلاره‌كه‌ هەبووە ئەمەش دەستکەوتێکی گەورەیە.

ئەوەشی وت: ''لە بازاڕەکە زیاتر له‌ شه‌ش هه‌زار هه‌لی كار ره‌خسێنراوه‌ و ئه‌وانه‌ی لێره‌دا كار ده‌كه‌ن مۆڵه‌تی كاركردنیان هه‌یه‌.''

وتیشی: دوێنێ هه‌واڵی بردنی پێنج ملیۆن دۆلار بڵاوکراوەتەوە، ئەوان نازانن ئه‌و كه‌سه‌ كێیه‌ كه‌ پاره‌كه‌ی بردوه‌ به‌ڵام له‌ بواری به‌رهه‌مه‌ نه‌وتییه‌كان كاری كردووه‌، ورده‌كاریه‌كه‌ی لای لایه‌نی په‌یوه‌ندیداره‌ و ئەوان لێی بەرپرس نین.