بابەتە سەرەکییەکە: وتەبێژی وەزارەتی دەرەوەی ئێران
دەڵێت، پێداچونەوە بۆ نامەکەی دۆناڵد ترەمپ دەکرێت.
چی تری وت: ئیسماعیل بەقایی وتەبێژی وەزارەتی دەرەوەی
ئێران رایگەیاند: پێداچونەوە و هەڵسەنگاندن بۆ نامەکەی دۆناڵد ترەمپ دەکرێت کە
دوێنێ چوارشەممە گەیشتە تاران و دوای هەڵسەنگاندنێکی تەواو، بڕیاری لەبارەوە
دەدرێت.
ئەمەش بزانە: پێشتر دۆناڵد ترەمپ رایگەیاندبو نامەیەکتی بۆ
عەلی خامنەیی رابەری باڵای ئێران ناردوە و تیایدا داوای ئەنجامدانی دانوستانی
لێکردوە سەبارەت بە پرسە ئەتۆمییەکان.
لە بەرامبەردا: خامنەیی رایگەیاندبو: بانگەوازەکەی
دۆناڵد ترەمپی سەرۆکی ویلایەتە یەکگرتوەکانی ئەمەریکا بۆ دانوستان جگە لە فریودانی
رای گشتیی جیهان هیچی تر نییە.