وەزارەتی کارەبا: ماوەی سێ رۆژ کارەبای نیشتمانی لەسلێمانی نابڕێت

کوردستان 4 کاتژمێر پێش ئێستا

لەلایەن: نێرگز

Alternate Text

بابەتە سەرەکییەکە: بە پێی راگەیەندراوێکی وەزارەتی کارەبای حکومەتی هەرێمی کوردستان لە سنوری پارێزگای سلێمانی و بە دیاریکراوی لە سەنتەری شاری سلێمانی تاقیکردنەوەی فشاری سەر تۆڕەکانی کارەبای نیشتمانی ئەنجام دەدرێت.

راگەیەندراوی فەرمی: وەزارەتی کارەبای حکومەتی هەرێمی کوردستان رایگەیاند،'' وەزارەتی کارەبا لە سنوری پارێزگای سلێمانی و بە دیاریکراوی لە سەنتەری شاری سلێمانی هەڵدەسێت بەئەنجامدانی تاقیکردنەوەی فشاری سەر تۆڕی کارەبای نیشتمانی.''

ئاماژە بەوەکراوە: سبەینێ شەممە 2025/3/15 کاتژمێر 10 تاقیکردنەوەکە دەستپێدەکات تاوەکو رۆژی سێشەممە 2025/3/18 بەردەوام دەبێت و لەم نێوەدا کارەبای نیشتیمانی بەردەوام کارا دەبێت

ئەمەش هەیە: ''ئەم تاقیکردنەوەیە ڕێکارێکی ڕۆتینیە بۆ تۆڕی کارەبا ئەنجام دەدرێت لەلایەن وەزارەتی کارەبا، بە ئامانجی دۆزینەوە و دیاریکردنی کێشە و خاڵە لاوازەکانی سەر تۆڕەکانی گواستنەوە و دابەشکردنی کارەبا.''

زیاتر: ئەم تاقیکردنەوەیە هەموو گەڕەکەکانی ناوشار ناگرێتەوە و سنوردارە لە چەند شوێنێکی دەست نیشانکراو هاوکات، وەزارەتی کارەبا هاوڵاتییان ئاگادار دەکاتەوە لە ئەگەری پچڕانی نەخوازراوی کارەبا لەکاتی ئەنجامدانی تاقیکردنەوەکە.

ئه‌مانه‌ش ببینه

‌‌مەڵتیمیدیا