بابەتە سەرەکییەکە: سه‌رۆك وه‌زیرانی عێراق رایگه‌یاند، دەزگای هەواڵگری نیشتمانی عێراق بە پشتیوانی و هەماهەنگی فەرماندەیی ئۆپەراسیۆنە هاوبەشەکان و هێزەکانی هاوپەیمانی نێودەوڵەتی توانیان تیرۆریستێکی مەترسیدار بکوژن.

لێدوانی فەرمی: محه‌مه‌د شیاع سودانی سەرۆک وەزیرانی عێراق رایگەیاند، "عێراقییەکان بەردەوامن لە سەرکەوتنە سەرسوڕهێنەرەکانیان بەسەر هێزەکانی تاریکی و تیرۆردا.''
ئەوەشی وت: دەزگای هەواڵگری نیشتمانی عێراق بە پشتیوانی و هەماهەنگی فەرماندەیی ئۆپەراسیۆنە هاوبەشەکان و هێزەکانی هاوپەیمانی نێودەوڵەتی توانیان تیرۆریست عەبدوڵڵا مەکی موسڵح ڕفێعى  بکوژن، کە بە (ئەبو خەدیجە) ناسراوە.

ئاماژه‌ی به‌وه‌شكردوه‌: ئه‌و كه‌سه‌ پۆستی بەناو (جێگری خەلیفە کە بە والی عێراق و سوریا و بەرپرسی لیژنەی راسپێردراو و بەرپرسی نوسینگەکانی ئۆپەراسیۆنەکانی دەرەوە ناسراوە) هەیە، بە یەکێک لە تیرۆریستە مەترسیدارەکانی عێراق و جیهان دادەنرێت.