بابەتە سەرەکیەکە: قوباد تاڵەبانی لێپرسراوی
مەکتەبی سکرتاریەتی سەرۆک مام جەلال، وەک سەرۆکی فەخری یانەی وەرزشی سلێمانی دەستنیشانکرا.
لێدوانی فەرمی: قوباد تاڵەبانی لێپرسراوی
مەکتەبی سکرتاریەتی سەرۆک مام جەلال رایگەیاند: مێژوی وەرزش لە سلێمانی بە یانەی
وەرزشیی سلێمانییەوە گرێ دراوە و چەندین نەوەی خەڵکی سلێمانی بیرەوەرییان لەگەڵ
ئەم یانەیەدا هەیە، یانەی سلێمانی یانەی دایکە و دەبێت لەم قۆناغەدا شوێن و پێگەی
شیاوی خۆی بۆ بگەڕێتەوە.
ئەمەشی
وت: لەگەڵ سەرۆک و ئەندامانی دەستەی کارگێڕی یانەکە کۆبومەوە، گفتوگۆی
تێروتەسەلمان کرد لەبارەی چۆنییەتی بوژانەوە و گەشەپێدانی یانەکە کە لە ئێستادا
خاوەنی چەندین تیپە لە بوارە جیاوازە وەرزشییەکاندا.
زیاتر:
بە شانازییەوە بەندەیان وەک سەرۆکی فەخری یانەکە دەستنیشان کرد و بڕیارماندا لە
ماوەیەکی کورتدا پلانێکی تۆکمە بۆ پێنج ساڵی داهاتوی یانەکە ئامادەبکرێت تا بە
هەوڵ و هیمەتی هەمو لایەکمانەوە یانەی سلێمانی بگەیەنینەوە ئەو ئاستەی کە شایستەی
ناوبانگ و مێژوە پڕشنگدارەکەیەتی.