بابەتە سەرەکیەکە: ماست یەکێکە لە گرنگترین خواردنەکان و مەڵبەندێکی باشی پرۆتین، چەوری، ڤیتامین، کانزا و کاربۆهیدراتەکانە.

کێ وتی: دکتۆر کامه‌ران رسوڵ ژاژڵه‌یی پسپۆڕی زانستی خۆراک بڵاویکردەوە: ماست یه‌کێکه‌ له‌و خۆراکانه‌ی که‌ پزیشکه‌ پسپۆڕه‌کان کۆکن له‌ سه‌ر سوده‌ ته‌ندروستیه‌کانی، به‌ یه‌کێک له‌ باشترین خوادنه‌کان داده‌نرێت له‌ مانگی ره‌مه‌زان به‌ تایبه‌ت له‌ ژه‌می پارشێودا.

زیاتر: گرنگترین سوده‌ ته‌ندروستیه‌کانی ماست؛

- سه‌رچاوه‌یه‌کی باشه‌ بۆ پڕۆتین؛ هه‌ستی برسێتی که‌مده‌کاته‌وه‌ له‌ کاتی به‌ڕۆژبون دا.

- بڕێکی باش له‌ ڤیتامینه‌کانی تێدایه‌ وه‌ک ڤیتامین ( B ) و ( D ) له‌گه‌ڵ کانزاکانی وه‌ک کالسێوم و پۆتاسێوم و مه‌گنسێوم.

- ده‌وڵه‌مه‌نده‌ به‌ مادده‌ی پڕۆباتیکه‌کان؛ که‌ بریتی یه‌ به‌کتریا سودبه‌خشه‌کان به‌ له‌ش که‌ کاری کۆئه‌ندمی هه‌رس رێک ده‌خات و پاش سکچون یان وه‌رگرتنی ئه‌نتی باێوتیکه‌کان.

- بۆ خۆپاراستن له‌ نه‌رمبونه‌وه‌ی ئێسک و کلۆربونی ددان.

- که‌مکردنه‌وه‌ی ئه‌گه‌ری توشبون به‌ شێرپه‌نجه‌ی قۆڵۆن.

- ماستی بێ چه‌وری یارمه‌تی دابه‌زینی کۆلیستڕۆڵی خراپ و فشاری خوێن ده‌دات.

- ماستی بێ چه‌وری ڕێگری ده‌کات له‌ زیاد بوونی کێش و قه‌ڵه‌وی ورگ و یارمه‌تی دابه‌زینی کێش ده‌دات.

- به‌هێز کردنی کۆئه‌ندامی به‌رگری له‌ش له‌گه‌ڵ ئاسانکردنی هه‌ڵمژینی هه‌ندێک ڤیتامین و کانزاکان له‌ ریخۆڵه‌دا.

- ماستی بێ چه‌وری خۆراکێکی باشه‌ بۆ ئه‌و که‌سانه‌ی حه‌ساسیه‌تیان به‌ شیر هه‌یه‌ یان ئه‌و که‌سانه‌ی ته‌هیجی کۆڵۆنیان هه‌یه‌.

- یه‌کێکه‌ له‌ باشترین خواردنه‌کان بۆ ئه‌و ئافره‌تی دوگیانی به‌ڕۆژو به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت.

- یارمه‌تی ڕێکخستنه‌وه‌ی خه‌و ئه‌دات.

- یارمه‌تی چاکبونه‌وه‌ی قورحه‌ و هه‌وکردنی گه‌دده‌ و دوانزه‌گرێ ئه‌دات به‌ مه‌رجێک ماسته‌که‌ له‌ شیری بێ چه‌وری یان که‌م چه‌وری بێت.