مەڵبەندی تەندروستی ئێشکگری بازیان رایدەگەیەنێت، داواکارن بۆ حاڵەتی زۆر پێویست نەبێت سەردانی ناوەندەکانی تەندروستی نەکەن  دەشڵێت، حاڵەتەکانی تووشبوون بە ڤایرۆسی کۆرۆنا ئاماژەن بۆ خراپبوونی بارودۆخەکە بۆیە پێویستە زیاتر پابەندبن بەڕێنماییەکانی تەندروستییەوە.

مەڵبەندی تەندروستی ئێشکگری بازیان رایگەیاند، "ئاگاداری هاوڵاتیانی بازیان دەکەین بەهۆی زۆربون و هەڵکشانی حاڵەتەکانی تووشبوو بە پەتای ڤایرۆسی کۆرۆنا لەناو شاری سلێمانی و دەورو بەری و سەرجەم کوردستان حاڵەتەکان ئاماژەن بۆ خراپ بونی بارو دۆخەکەبۆیە پێویستەزیاتر پابەند بین بەڕێنماییەکانی تەندروستییوە".

ئاماژەبەوەشکراوە، "داواکارین بۆ حاڵەتی زۆر پێویست نەبێت سەردانی ناوەندەکانی تەندروستی مەکەن وە لەکاتی سەردانی کردنتان بەتەنها سەردان بکەن و پابەندی رێنماییەکانی تەندروستیبن و تکایە قەرەباڵغی لەناو ناوەندەکاندا دروست مەکەن لەپێناو پاراستنی تەندروستی خۆت و پزیشک و کارمەندانی ناوەندەکانی تەندروستی".