گومرگى هەرێم رایگەیاند، ئهو هاوڵاتیانهى لەدەرەوەى
هەرێم دەژین و به ئۆتۆمبێلى تایبهتى خۆیان دەگەڕێنەوە كوردستان، پێویستە پابەندى
چەند رێنماییەکى نوێى گومرکى هەرێم بن.
بەشى راگەیاندنی دەروازەی سنورى ئیبراھیم خەلیل بڵاویکردەوە،
بەپێی رێنماییەکانی بەرێوەبەرایەتی گشتی گومرک کە لە رێکەوتی (6/10/2020) دەرچووە،
دەبێت ئهو هاوڵاتیانهى به ئۆتۆمبێلى تایبهتى خۆیان لە وڵاتانى دیکەوە دێنهوە
ههرێمى كوردستان، پاسپۆرتەکەى لە دەروازەکە لی وەربگیرێت تا ئەو
کاتەى بە ئۆتۆمبێلەکەیەوە دەگەڕێتەوە بۆ شوێنى نیشتەجێى خۆى و دەبێت کەسێکیش لە دانیشتووانى
هەرێم ببێتە کەفیلى.
ئاماژە بەوەشکراوە، کەسى هاتوو بۆ ناو خاکى هەرێم، ئۆتۆمبێلهكهى له گۆرهپانى گومرك رادهگیرێت هەتا ئەو کاتەى دهگهرێتهوه
و خاکى هەرێم جێدەهێڵێت.
ئەوەش خراوەتەڕوو، ئەم مەرج و رێنماییانە ئەو کەسانەش دەگرێتەوە کە خەڵکانى
بیانین و بە ئۆتۆمبێلى تایبەتى خۆیان دێنە هەرێمى کوردستان.