چۆن: ئەمڕۆ نرخی زێڕ بە بڕی 0.13 بۆ دوو هەزار و 425
دۆلار بۆ هەر ئۆنسێک بەرزبووەوە.
کێ وتی: دلێر تاھیر، سەرۆکی کۆمەڵەی زێڕنگەرانی سلێمانی بە BMC راگەیاند: نرخی زێڕ بەرزبوونەوەیەکی بەرچاوی
بەخۆیەوە بینیوە و لە ئێستادا نرخی یەک ئۆنسە زێڕ گەیشتووەتە نزیکەی دوو هەزار و
425 دۆلار.
ئەمەش هەیە: لە
ئێستادا لە هەرێمی کوردستان نرخی یەک مسقاڵ زێڕی عەیارە 24 بە 595 هەزار دینار،
عەیارە 21 بە 520 هەزار دینار و عەیارە 18 بە 445 هەزار دینار مامەڵەی پێوەدەکرێت.
هۆکارەکەی چییە: پێشبینی دەکرێت نرخی سوو لەلایەن یەدەگی
فیدراڵی ئەمەریکاوە بۆ مانگی ئەیلول داببەزێت و ئەمەش یەکێکە لە هۆکارەکان، هەروەها
یەکێکی دیکە لە هۆکارەکانی بەرزبوونەوەی نرخی زێڕ زیادبوونی خواستە لەسەر ئەو
کانزایە لە تەواوی جیهان.