هەرزەکارێکی ئەمریکی چەند وێنەیەکی نەبیندراوی رووداوەکەی ١١ی سێپتەمبەری کە لەناو ئەلبوومی بنەماڵەکەی بووە بڵاوکردووەتەوە.

میدیا جیهانییەکان رایانگەیاندووە:" گەنجێکی ئەمریکی بەناوی لیام ئینیا لە ئەلبوومی وێنەکانی بنەماڵەکەیدا چەند وێنەیەکیی نەبیندراوی رووداوەکەی ١١ی سێپتەمبەری ساڵی ٢٠٠١ی دۆزیوەتەوە و بڵاویکردووەتەوە".
هاوکات، لیام ئینیا ئاماژەی بەوەکردووە:"  لەکاتی سەیرکردنی ئەلبومێکی وێنەی خێزانەکەی بەناوی جەژنی خۆشەویستی ئەو وێنانەی بینیوە و بڕیاریداوە لە تۆڕی کۆمەڵایەتی تیک تۆک بڵاوبکاتەوە".
ئەمەش لەدوای ئەوەدێت، لە ١١ی سێپتەمبەری ٢٠٠١ دا بەهۆی رووداوێکی تیرۆریستییەوە سێ هەزار کەس لە ئەمریکا گیانیان لەدەستدا.