بەڕێوەبەرایەتی پۆلیسی دارستان و ژینگەی پارێزگای سلێمانی دەستگیرکردنی پێنج کەسی بە تۆمەتی راوکردن راگەیاند.
ئەمڕۆ پێنجشەممە ٣٠ی کانوونی یەکەم، بەڕێوەبەرایەتی پۆلیسی دارستان و ژینگەی پارێزگای سلێمانی لە راگەیەندراوێکدا ئاماژەی بەوەکرد:" بە مەبەستی رێگریکردن لە راوکردنی ئاژەڵ و باڵندە کێوەییەکان، مەفرەزەکانی بنکەی پۆلیسی دارستانی بازیان توانیویانە لە سنووری گوندی زیەکەی سەر بە ناحیەکە، ٥ کەس بە تۆمەتی راوکردن دەستگیر بکەن".

دەستگیراوە بەسەر دوو چەکی جۆری تاپڕ

باسی لەوەشکرد:" لەکاتی دەستگیرکردنیاندا توانراوە دەستبگیرێت بەسەر دوو چەکی جۆری تاپڕ و دوو لایت، هەروەها ئەو ئۆتۆمبێلەی تاوانەکەی پێ ئەنجامدراوە".
ئەوەشیخستەڕوو:"  پەڕاوی لێکۆڵینەوە ئامادەکراوە و راەستی بەڕێز دادوەر کراوە بۆ وەرگرتنی رێکاری یاسایی بەرامبەر بە تۆمەتبارەکان".