بابەتە سەرەکیەکە: بەڕێوەبەرایەتی هاتوچۆی سلێمانی رایگەیاند، هاوڵاتییان دەتوانن لەڕێگەی پۆرتاڵێکی حکومەییەوە داواکاریی دەرهێنان یان نوێکردنەوەی مۆڵەتی شۆفێری پێشکەش بکەن.

راگەیەندراوی فەرمی:  بەڕێوەبەرایەتی هاتوچۆی سلێمانی رایگەیاند: بەڕێوەبەرایەتی هاتوچۆی سلێمانی بەشی مۆڵەت پاڵپشت بە پۆرتاڵی حکومەتی هەرێمی کوردستان و هەماهەنگ بە بڕیار و رێکارەکانی وەزارەتی ناوخۆ بۆ زیاتر کارئاسانی و باشترکردنی مامەڵەی هاوڵاتیان بژاردەیەکی تری بۆ شۆفێران خستەرو .

ئەمەش هەیە: ئێستا شۆفێران دەتوانن لەرێگەی لینکێکی پۆرتاڵی حکومەتی هەرێمی کوردستان ـــ وە بژاردەیەکی نوێی تر بە فری پەیوەست بە مامەڵەی دەرهێنان یاخود نوێکردنەوەی مۆڵەت ( گشتی ـ تایبەت ) لە ماڵەکەی خۆی یاخود لە شوێنی کارەکەی داواکاری دەرهێنان یاخود نوێکردنەوەی مۆڵەتی شۆفێری بکات لە رێگەی ئەم لینکەوە کەداڕێژراوە بەو زانیاریانەی داوادەکرێت بۆ نوێکردنەوەو دەرهێنانی مۆڵەتی شۆفێری .

‏زیاتر: ئەم لینکە زۆر بەخێرای دەتوانی لەگەڵی جۆین ببیت لە رێگەی ( مۆبایل ـ ئایپاد ـ کۆمپیتەر ) بە زمانی کوردی و بەشێوەیەکی سادە و ساکار زانیارییە کەسییەکانی پەیوەست بە دەرهێنان و نوێکردنەوەی مۆڵەتی شۆفێری پڕ بکەیتەوەو بینێریتەوە بۆ بەشی مۆڵەتی بەڕێوەبەرایەتی هاتووچۆی سلێمانی بەم رێگایە شۆفێر هەنگاوێکی باشتر کارەکانی دەچێتە پێش و خۆی رزگار دەکات لە سەرە ونۆرە گرتنی ناو بینایی بەڕێوەبەرایەتی هاتوچۆ چونکە ئەم قۆناغەی کارەکانی لە ماڵەوە بڕیوە .

‏چی تر: تێبینی؛

- ئەم لینکە فرییەو هیچ پارە و رسوماتێکی نیە .

‏‎- شۆفێر دەتوانێت ئێستا ئەم لینکە پڕبکاتەوە و لەگەڵ پلان وبەرنامەکانی ژیانی خۆی مامەڵەکەی خۆی رێکخات ؛ واتە شۆفێر ناچار نابێت کە ئەمڕۆ داواکارییەکەی پڕکردۆتەوە سبەی سەردانی بەرێوەبەرایەتی هاتوچۆ بکات ؛ دەتوانێت دو رۆژی تر یان هەفتەیەکی تر یاخود هەرکاتێک کە بۆی دەگونجێت سەردانی بەشی مۆڵەتی بەڕێوەبەرایەتی هاتوچۆی سلێمانی بکات ؛ بەڵام دەبێت ئاگاداری بەرواری بەسەرچونی مۆڵەتەکەی بێت نەکەوێتە ناو سزاوە !.

‏- شۆفێر وابەستە نیە تەنها بەم لینکەوە بەڵکو بژاردەکانی رابردوی هەر لەپێشە بۆ دەرهێنان و نوێکردنەوەی مۆڵەتی شۆفێرییەکەی.

‏‎- سەرجەم رۆژەکانی هەفتە ئەم لینکە کراوە دەبێت دەتوانرێت سودی لێوەربگیرێت.

بۆ بینینی رێنماییەکان کلیک بکە