بابەتە سەرەکیەکە: ئەمڕۆ یەکشەممە، هەڵبژاردنی پەرلەمانی ئەڵمانیا بەڕێوەچو، بە گوێرەی ئەنجامە بەراییەکان، هاوپەیمانی پارتە کریستیانەکان یەکەمن.

ئەوەی پێویستە بیزانیت: بە گوێرەی ئەنجامی بەرایی هەڵبژاردنی پەرلەمانی ئەڵمانیا، هاوپەیمانیەتی یەکێتی کریستیان دیموکرات و یەکێتی کۆمەڵایەتی کریستیانەکان 29%ـی دەنگەکانی بەدەستهێناوە.

ئەمەش هەیە: پارتی جێگرەوە بۆ ئەڵمانیا، کە پارتێکی دژە کۆچبەرە، 19.5%ـی دەنگەکانی بەدەستهێناوە و هەروەها پارتی سۆسیال دیموکرات 16%ـی دەنگەکانی بەدەستهێناوە.

زیاتر: هاوپەیمانی پارتە سەوزەکان 13.5% و پارتی چەپ 8.5%ـیی دەنگەکانیان هێناوە، پارتەکانی دیکەی هەڵبژاردنی ئەڵمانیا هیچ کامیان تاوەکو ئێستا 5%ـی دەنگەکانیان بەدەستنەهێناوە کە پێویستە بۆ رۆشتنە ناو پەرلەمانی وڵاتەکە.