بابەتە سەرەکیەکە: بافڵ جەلال تاڵەبانی سەرۆکی یەکێتی نیشتمانی کوردستان بە سەردانێکی فەرمی گەیشتە بەغدای پایتەخت و، بەشداری لە کۆنفرانسى گفتوگۆی بەغدا کرد.

لێدوانی فەرمی: بافڵ جەلال تاڵەبانی لە کۆنفرانسەکەدا رایگەیاند، هاوڵاتیان مافی خۆیانە خۆپشاندان بکەن و داوای مافی خۆیان بکەن، نابێت رێگرییان لێبکرێت کە گوزارشت لە بۆچونەکانیان بکەن.

ئەمەشی وت: پێویستە سیستمێک بۆ موچە جێبەجێ بکرێت جێی متمانە بێت، هەروەها دەبێت حکومەت لێپرسراوێتی دروستکردنی متمانە لە ئەستۆ بگرێت.

هاوکات: سەرۆکی یەکێتی رایگەیاند، یەکێتیی لەسەر پۆست و پلەوپایەکان جەختناکاتەوە، بەڵکو جەخت لە هاوپەیمانیەتێکی ستراتیژی دەکاتەوە تا تێگەیشتن هەبێت لە ئاراستەکانی یەکتر بۆ ئایندە.

وتیشی: چەندین بەڵێنمان داوە لە هەڵمەتی هەڵبژاردندا، لێرە دوپاتی دەکەمەوە نیەتمان ئەوەیە ژیانی خەڵکەکەمان باشبکەین و پەیوەندییەکانمان لەگەڵ بەغدا و باشتربکەین.

چی تر: پێویستە بە وریاییەوە مامەڵە لەگەڵ رەوشی سوریا بکەین و نابێت کوردەکان بە تەنها بەجێبهێڵدرێن و ناشکرێت بە بێ کوردەکان دەستوری سوریا بنوسرێتەوە.

زیاتر: سەبارەت بە پڕۆسەی ئاشتی لە تورکیا، سەرۆکی یەکێتی جەختی لەوەکردەوە، بەتەواوی پشتیوانی پرۆسەی ئاشتی دەکەین لە تورکیا، یەکێتی حزبێکە کار دەکات بۆ گفتوگۆ و دانوستان.