سەرۆکی پەرلەمانی کوردستان رایگەیاند، رۆژنامەگەریی كوردی رووبەڕووی دەیان بەربەست بووەتەوە، بەڵام هەمیشە لەسەر دەستی رۆژنامەنووسانی سەنگین و پڕۆفیشناڵ بەسەر سەختییەكاندا زاڵبووه.

رێواز فایەق، سەرۆکی پەرلەمانی کوردستان لە پەیامێکیدا بەبۆنەی ١٢٤ ساڵەی رۆژنامەگەری کوردیدا ئاماژەی بەوەکردووە:" جارێكی دیكه‌ پشتیوانی خۆمان بۆ ئازادی رۆژنامه‌گه‌ری و رۆژنامه‌نووسه بەرپرس و‌ بوێر و راستبێژه‌كان دووپاتده‌كه‌ینه‌وه‌، هیواخوازین ئه‌م یاده‌ ببێته‌ مایه‌ی به‌ره‌وپێشچوونی ره‌وشی ئازادی رۆژنامه‌گه‌ری و چه‌سپاندنی پره‌نسیپه‌ گشتییه‌كانی دیموكراسی و مافەکانی مرۆڤ ".

 كاریگەرییان لەسەر بڕیاری سیاسی و كۆمەڵایەتی و ئابووری هەیە

ئەوەشی خستووەتەڕوو:" بە درێژایی مێژوو تا ئەمڕۆش، رۆژنامەگەریی كوردی رووبەڕووی دەیان بەربەست و كاری سەخت و دژوار بووەتەوە، بەڵام هەمیشە لەسەر دەستی رۆژنامەنووسانی سەنگین و پڕۆفیشناڵ بەسەر سەختییەكاندا زاڵبووه و گەیشتووەتە ئاستی ئەمڕۆ كە لە هەرێمی كوردستان دەیان رۆژنامە و دەزگای میدیایی و میدیاكاری جدی و سەنگین بوونیان هەیە و كاریگەرییان لەسەر بڕیاری سیاسی و كۆمەڵایەتی و ئابووری هەیە ".

رێواز فایەق راشیگەیاندووە:" پێویستە ئەكادیمییان، مامۆستایانی زانكۆ و شارەزایان و سه‌رجه‌م قه‌ڵه‌مه‌ دیار و سه‌نگینه‌كان ده‌كه‌ین، كه‌ رۆڵی ئه‌رێنی بگێڕن به‌ ئاراسته‌ی بنیادنان و پته‌وكردنی كۆڵه‌گه‌كانی میدیای به‌رپرسیار، به‌جۆرێك كه‌ بنه‌ماكانی ئازادیی ڕِۆژنامه‌گه‌ری، پاراستنی مافی‌ گشتی و تایبەتمەندییە کەسییەکان پارێزراوبن و هاوسەنگی لەنێوانیاندا بێتە بوون ".