زۆربەی ئەندامانی پەرلەمانی کوردستان داوا دەکەن لە دانیشتنی داهاتووی پەرلەماندا دەنگ لەسەر درێژکردنەوەی تەمەنی ئەم خولەی پەرلەمان بدرێت.

بەگوێرەی چەند یاداشتێکی پەرلەمانی کوردستان کە واژووی زۆربەی پەرلەمانتارانی فراکسیۆنەکانی یەکێتی، پارتی، گۆڕان و پێکهاتەکانی لەسەرە، داوایان لە سەرۆکایەتی پەرلەمان کردووە دانیشتنێک بۆ دەنگدان لەسەر پێشنیازەیاسای درێژکردنەوەی تەمەنی خولی پێنجەمی پەرلەمان تەرخانبکرێت.

پێشبینی دەکرێت ژمارەی ئەو پەرلەمانتارانە زیادبێت کە داوای درێژکردنەوەی تەمەنی پەرلەمانیان کردووە.