ئەنجومەنی پارێزگای سان فرانسیسکۆ لە
ئەمەریکا بە زۆرینەی دەنگ مافی بەکارهێنانی رۆبۆت بۆ کوشتنی تاوانبارە
مەترسیدارەکان پەسەندکرد.
ماڵپەڕی "لینتا"ی ئەمەریکی
ئاماژەی بەوەکردووە:" لە کۆی ١١ ئەندامی ئەنجومەنی پارێزگای سان فرانسیسکۆ لە
ئەمەریکا، هەشت ئەندام دەنگیان لەسەر مافی بەکارهێنانی رۆبۆت بۆ کوشتنی تاوانبارە
مەترسیدارەکان پەسەند کرد، بەتایبەت ئەوانەی رووبەڕووی هێزە ئەمنییەکان دەبنەوە
".
ئەوەشی خستووەتەڕوو:" لەئێستادا
پۆلیسی سان فرانسیسکۆ ١٢ رۆبۆتی هەیە و لە ساڵانی ٢٠١٠ بۆ ٢٠١٧ کڕدراون، زۆربەی
کاتیش بۆ پوچەڵکردنەوەی مین بەکاردەهێندرێن ".
پێشتر،لە ساڵی ٢٠١٦ بۆ یەکەمین جار پۆلیسی
ئەمەریکا رۆبۆتی بۆ کوشتنی تاوانبارێک بەکارهێنا، ئەوەش دوای ئەوە هات کە
تاوانبارەکە پێنج ئەفسەری بە چەکی قەناس کوشت.