ماڵپەڕی شەفافیەت ئاشکرایکرد، تاکو ئێستا داهاتی نانەوتی ئەمڕۆی هەردوو پارێزگای سلێمانی و هەڵەبجە و هەردوو ئیدارە سەربەخۆکانی سنوورەکە نزیکەی دوو ملیار دینارە.

ماڵپەڕی شەفافیەت ئاماژەی بەوەکردووە:" ئەمڕۆ بڕی یەک ملیار و ٩٥٣ ملیۆن و ٣٧ هەزار و ٧٣٠ دینار وەک داهات گەڕاوەتەوە گەنجینەکانی سلێمانی و هەڵەبجە و ئیدارە سەربەخۆکانی راپەڕین و گەرمیان ".

ئەوەشی خستووەتەڕوو:" بەراورد بە دوێنێ، ئەمڕۆ داهاتی نانەوتی سنوورەکە بە رێژەی ٧٥٪ کەمیکردووە، لەبەر ئەوەی دوێنێ داهاتی ئەو ناوچانە حەوت ملیار و ٩٣٤ ملیۆن و ٧٩١ هەزار و ٦٥١ دینار بوو ".