لە ویلایەتی مۆنتانای ئەمەریکا، بەکارهێنانی تیکتۆک بە تەواوەتی قەدەغەکرا.
ماڵپەری بی بی سی بڵاویکردەوە:" لە مۆنتانا وەک یەکەم ویلایەت لە ویلایەتە یەکگرتووەکانی ئەمەریکا، بەکارهێنانی بەرنامەی تیکتۆکی چینی لە هاوڵاتییان تێدا قەدەغەکرا".
ئاماژەی بەوەشکرد:" چیدیکە فرۆشگاکانی تایبەت بە ئەپڵیکەیشنی ئامێرە زیرەکەکان لە ویلایەتی ناوبراو بۆیان نییە ئەپی تیکتۆک پێشکەش بە بەکارهێنەران بکەن".
هاوکات کۆمپانیای خاوەنداری تیکتۆک باسیلەوەکرد:" قەدەغەکردنی بەرنامەکە لە مۆنتانای ئەمەریکا پێشێلکردنی مافی ئازادی تاکەکەسییە".
بەشێک لە حکومەتەکانی جیهان بەکارهێنانی تیکتۆکیان لە هاولاتییان و فەمانبەرەکانیان سنووردارکردووە، نیگەرانییەکان سەبارەت بە تیکتۆک سەبارەت بەوەن کە گومانی سیخوڕیکردن لە رێگەی بەرنامەکەوە بوونی هەیە.
پێستر چەندینجار کۆمپانیای خاوەنداری تیکتۆک رەتیکردووەتوە لە رێگەی بەرنامەکەوە هیچ زانیارییەک کۆبکاتەوە و سوودی لێوەربگرێت.