سەبارەت بە هێرشەکانی شەوی رابردووی سەر یەکێک لە یاریزانەکانی یانەکە، یانەی ریاڵ مەدرید بەیاننامەیەکی فەرمی بڵاوکردەوە.
یانەی ریاڵ مەدرید لە بەیاننامەیەکدا رایگەیاند:" بە توندرین شێوە ئیدانەی ئەو هێرشانە دەکەین کە بەرامبەر یاریزانی یانەکەمان ڤینیسیۆن جۆنیۆری بەڕازیکی ئەنجامدران".
ئاماژەی بەوەشکرد:" پێمانوایە، ئەو جۆرە هێرشانە تاوانی کینەیی دروسدەکەن، بۆیە لە نوسینگەی داکاری گشتی سکاڵامان تۆمارکردووە سەبارەت بە رووداوەکەی شلەوی رابردوو".
شەوی رابردوو لە میانەی بەڕێوەچوونی یاری نێوان ڤالانسیا و ریاڵ مەدرید لە خولی ئیسپانی، بەشێک لە هاندەرەکانی یانەی ڤالانسیا وشەی رەگەزپەرستیان دژ بە ڤینیسیۆس بەکارهێنا و بە مەیمون بانگیان دەکرد.
دوابەدوای کۆتاییهاتنی یارییەکە، سەرجەم یاریزانانی ریاڵ مەدرید پشتگیری خۆیان لە رێگەی تۆڕەکۆمەڵایەتییەکانەوە بۆ ناوبراو دەربڕی، دواتریش حکومەتی بەڕازیل لە بەیاننامەیەکدا هەمانکاری کرد و بەشێکی زۆری یاریزانە بەڕازیلییەکانیش پشتگیری خۆیان بۆ یاریزانەکە دەربڕی.