لەیلا عومەر لەگەڵ لیژنەی سەرپەرشتیاری کۆریدۆری سلێمانی – تاسڵوجەدا کۆبووەوە بە مەبەستی بەدواداچوون بۆ کارەکانی ئەو پرۆژەیە.
سەرۆکایەتی شارەوانی سلێمانی رایگەیاند:" بەیانی ئەمڕۆ پێنجشەممە، لەیلا عومەر سەرۆکی شارەوانی سلێمانی کۆبوونەوەیەکی لەگەڵ لیژنەی سەرپەرشتیاری کۆریدۆری سلێمانی – تاسڵوجە ئەنجامدا بە مەبەستی لە نزیکەوە ئاگاداربوون لە چۆنیەتی چێبەجێکردنی کارەکانیان و بەدواداچوون بۆ قۆناغەکانی کارکردن تیایدا".
ئاماژەی بەوەشکرد:" سەرۆکایەتی شارەوانی هەستاوە بە دیزاینکردنی شەقامەلە و دەوروبەری لە رێگەی کۆمپانیایەکی بەڕیتانییەوە بە ناوی MGW، لە یەکتربڕی دووڕیانی سەرچنارەوە دەستپێدەکات تا پردی تاسڵوجە کە درێژییەکەی ١٥ هەزار و ٤٢٢ مەترا".
باسیلەوەشکرد:" شەقامەکە بە شادەماری سلێمانی دادەنرێت و یەکێکە لە سەرەکیترین دەروازەکانی شار و لە پێنج زۆن پێکهاتووە و دەکەوێتە سنووری چوار شارەوانییەوە کە سەر بە سەرۆکایەتی شارەوانی سلێمانی".
شارەوانی سلێمانی روونیشیکردەوە:" هەردوو بەری شەقامەکە بە پانی ١١٣٠ مەتر بەفەری بۆ کراوە، کە تیایدا چالاکییەکان دیاریکراون ئەوانیش بریتین لە، نیشتەجێ، بازرگانی، وەرزشی، رۆشنبیری، سەوزایی، بینای تێکەڵ، گەنجینە، گواستنەوە و فڕۆکەخانە".