بابەتە سەرەکیەکە: وه‌زاره‌تی ده‌ره‌وه‌ی سعودیه‌ ئاماده‌یی وڵاته‌كه‌ی بۆ میوانداریکردنی کۆبونەوەی لوتكه‌ی نێوان هەردو سه‌رۆكی ئه‌مه‌ریكا و روسیا راگەیاند.

راگەیەندراوی فەرمی: وەزارەتی دەرەوەی سعودیە بڵاویکردەوە: ستایشی پەیوەندییە تەلەفۆنییەکەی نێوان دۆناڵد ترەمپ سەرۆکی ئەمریکا و ڤلادیمێر پوتین سەرۆکی روسیای دەکەین کە 12ـی شوبات ئەنجامدرا، ئامادەیی وڵاتەكەمان بۆ میوانداریكردنی كۆبونەوەی لوتكەی نێوان هەردو سەرۆک لەسەر خاكی سعودیە دوپاتدەکەینەوە.

زیاتر: سعودیه‌ پشتگیریی له‌ هه‌ر هه‌وڵێک ده‌كات بۆ به‌دیهێنانی ئاشتییه‌كی به‌رده‌وام له‌ نێوان روسیا و ئۆكراینا، پابەندبونمان بۆ هه‌وڵه‌ نێوده‌وڵه‌تییه‌كان بۆ بەدیهێنانی سەقامگیری لە ناوچەکەدا دوپاتدەکەینەوە و هیواخوازین کۆبونەوەکان هاوکاربن بۆ بەدیهێنانی لێکتێگەشتن لەنێوان هەردولادا.