لە ئەمەریکا مریشکێک وەک بەتەمەنترین مریشک ناوی چووە کتێبی گینسەوە، کە تەمەنی زیاتر لە 25 ساڵە.
ماڵپەڕی "گینس" بۆ ژمارە پێوانەییەکان ئاماژەی بەوەکرد:" لە ویلایەتی میشیگان لە ئەمەریکا مریشکێک کە ناوی (بینت)ی لێنراوە، تەمەنی گەیشتووەتە 25 ساڵ و 272 رۆژ، بەوەش وەک بەتەمەنترین مریشک ناوی لە کتێبی گینس تۆمارکراوە ".
مارسی باڕکەر کە خاوەنی مریشکەکەیە دەڵێت:" پێش ئەوەی ئەو مریشکە لە هێلکەکەی دەربچێت دایکی لەژیاندا نەما، منیش وامزانی هێلکەکە تێکچووە و ویستم فڕێی بدەم، لەو کاتەدا جوجکەکە لە هێلکەکەی دەرچوو ".
