جارێکی دیکە بەهای دۆلاری ئەمەریکی بەرامبەر بە دیناری عێراقی بەرزبووەوە و بەهای
100 دۆلار نزیکبووەوە لە 157 هەزار دینار.
ئەمڕۆ دووشەممە، بەهای دۆلاری ئەمەریکی بەرامبەر بە دیناری عێراقی زیاتر
بەرزبووەوە و لەکاتی داخستنی بازاڕی دۆلارەکەی شاری سلێمانی 100 دۆلار بە 156
هەزار و 750 دینار مامەڵەی پێوەکرا.
بەرزبوونی بەهای دۆلار لەکاتێکدایە ئەمڕۆ بانکی ناوەندی زیاتر لر 196 ملیۆن
دۆلاری خستەبازاڕەوە، لەو بڕەش زیاتر لە 27 ملیۆن دۆلاری بەشێوەی نەقدی بووە.
هەر ئەمڕۆ، بانکی RT بڕیاریدا هەر کەسێک دۆلاری لە بانکەکەدا هەبێت بە دینار پێی
بدرێتەوە، واتە بانکەکە هەر 100 دۆلارێک بە 132 هەزار دینار دەداتەوە بە
خاوەنەکەی، بەوشێوەیەش هاوڵاتییان بۆ هەر 100 دۆلارێک نزیکەی 25 هەزار دینار زیان
دەکەن.