جەعفەر شێخ
مستەفا رایگەیاند، ئەرکی سەرشانی لایەنە پەیوەندیدارەکانە لە حکومەتیی هەرێم و
عێراقی فیدراڵ، کە شکۆ و سەروەری خاک و نیشتیمان بپارێزن و ڕێگربن لە
دووبارەبوونەوەی ئەم هێرشە تیرۆریستیانەدا.
جەعفەر شێخ
مستەفا، جێگری سەرۆکی هەرێمی کوردستان لە راگەیەندراوێکدا ئاماژەی بەوەکرد:" بە
توندی و بەوپەڕی نیگەرانییەوە ئیدانەی ئەو هێرشە تیرۆریستییەی سەر فرۆکەخانەی
کشتوکاڵیی عەربەت لە پارێزگای سلێمانی دەکەم، کە بە داخەوە لەم کردە تیرۆریستیەدا
شەش پێشمەرگە لە هێزەکانی دژەتیرۆری کوردستاندا شەهید و بریندار بوون ".
ئەوەشی
خستەڕوو:" بۆ هەموو لایەکمان ڕوونە کە ئامانج لەو کردەوە پڕ لە شەرمەزاری و
ترسنۆکانەدا تێکدانی ئاسایش و سەقامگیری هەرێمی کوردستانە ".
جێگری سەرۆکی
هەرێم وتیشی:" ئەرکی سەرشانی لایەنە پەیوەندیدارەکانە لە حکومەتیی هەرێم و
عێراقی فیدراڵ، کە شکۆ و سەروەری خاک و نیشتیمان بپارێزن و ڕێگربن لە
دووبارەبوونەوەی ئەم هێرشە تیرۆریستیانەدا، بۆ ئەوەی چیتر ناوچەکەمان نەبێت بە
قوربانی ململانێ ناوچەییەکان و کێشە نێودەوڵەتییەکان ".
لە
راگەیەندراوەکەدا ئەوەش هاتووە:" بەم بۆنە خەمناکەوە پرسە و سەرەخۆشی خۆم بۆ
ئەم سێ شەهیدە قارەمانەی دژەتیرۆری کوردستان ڕادەگەیەنم کە گیانیان پێشکەش بە خاکی
پیرۆزی کوردستان کرد، داواکارم لە یەزدان دڵنەوایی و ئارامی ببەخشێ بە خانەوادە و
کەسوکاریان، هیوای زوو چاکبوونەوەش بۆ بریندارەکان دەخوازم ".