بابەتی سەرەکی: وەزیری
دارایی و ئابووری دەڵێت " مووچەی خانەنشینانی پێشمەرگە و
تەواوی چین و توێژەکان هەنگاو بە هەنگاو هاوتای عێراق دەکرێت".
لێدوانی فەرمی: ئاوات
شێخ جەناب، وەزیری دارایی و ئابووری رایگەیاند:" لیژنەیەکی
هاوبەش لە نێوان هەردوو حکومەتی عێراق و هەرێمی کوردستان هەیە بە ناوی لیژنەی
یەکخستنی ڕێکارە ئیداری و دارایی و ژمێریاریەکان، زۆر یاسامان هەیە جیاوازە یاسا هەیە لێرە
بەرکارە لە عێراق نەماوە بەپێچەوانەشەوە".
ئەمەشی وت: چاوەڕوانین ئەو لیژنەیە کارەکانی بەزووترین کات تەواو بکات
تا بتوانین مووچەی خانەنشینی پێشمەرگە و دامودەزگا ئەمنی و سەربازییەکان و پلە
تایبەتەکان یەک بخەین".
زیاتر: بە وتەی وەزیری دارایی، هاوتاکردن و یەکخستن و ڕێکخستنەوەی
مووچە هەموو چین و توێژەکان دەگرێتەوە، ئەوە جگە لە ناونیشانی وەزیفی کە پێویستی
بە پێداچونەوە هەیە و جیاوازیمان هەیە لەگەڵ عێراق، چەندین جیاوازی تریش هەن
لەوانە لەسەر ئاستی پەرلەمان و دادگا و تەمەنی خانەنشینی و پاداشتی کۆتایی خزمەت،
ئەوانە هەمووی پێویستی بە ڕێکخستنەوە هەیە.