سەرۆک وەزیرانی ئیسرائیل ئاشکرایکرد، دوای کۆتاییهاتنی شەڕ، ئاسایشی گشتی کەرتی غەززە لە ئەستۆی ئەواندا دەبێت.
بنیامین ناتانیاهو سەرۆک وەزیرانی ئیسرائیل لەمیانەی چاوپێکەوتنێکیدا لەگەڵ تۆڕی ABCی ئەمەریکی رایگەیاند:" دوابەدوای کۆتاییاهتنی شەڕ، بەرپرسیارێتی ئەمنی لە غەززە دەگرینە ئەستۆ".
ئاماژەی بەوەشکرد:" دوای ئەوەی بەرپرسیارێتی ئەمنی غەززەمان لە ئەستۆگرت، ئیسرائیل بۆ ماوەیەکی بێسنوور و دیارینەکراو، لە ئاسایشی گشتی غەززە بەرپرسیار دەبێت".
باسی لەوەشكرد:" بەهۆی ئەوەی پێشتر ئێمە ئەو بەرپرسیارێتییەمان لە ئەستۆنەگرتبوو، چەکدارانی حەماس بەشێوەیەک زیادیانکرد کە نەماندەتوانی پێشبینی بکەین".