کەشناسی هەرێم پێشبینی دەکات ئەم شەپۆلی بارانبارینەی رووی لە هەرێم کردووە، سبەینێش لە چەند ناوچە جیاجیاکانی هەرێم بەشێوەی پچڕ پچڕ بەردەوام بێت.

بەشی کەشناسی سەر بە وەزارەتی گواستنەوە و گەیاندن باسی لەوەکرد، ئەمڕۆ چوارشەممە بارانبارین لە پارێزگاکانی سلێمانی، کەرکوک و هەڵەبجە زیاتر دەبێت، هەندێک کات بارانبارینی بەلێزمە و بارانی مامناوەند لەسەر ناوچە جیاجیاکان دەبارێت و لە کاتەکانی شەودا کاریگەری ئەم نزمە پاڵەپەستۆیە لاواز دەبێت ".
سەبارەت بە کەشوهەوای سبەینێ باسی لەوەکردووە:" ئاسمان هەور و نیمچە هەور دەبێت، ئەگەری نمەباران هەیە لەسەنتەری پارێزگاکاندا لە هەندێک کاتدا، لە ناوچە شاخاوییەکان و شاخاوییە سنووریەکان تاوە باران دەبێت لە هەندێک کاتی جیاجیادا، پاشان ئاسمان دەگۆڕێت بۆ نیمچە هەور بەگشتی ".