لە بڵاوکراوەیەکدا وەزارەتی
سامانە سروشتییەکان رایگەیاند، لە ئێستادا چاوەڕوانی نەوتی سپی حکومەتی عێراقدایە.
وەزارەتی سامانە
سرووشتییەکانی هەرێمی کوردستان رایگەیاند:" وەزارەتەکەمان لە رێگەی تیمەکانی
بەڕێوەبەرایەتی نەوت و کانزاکانی هەولێر دەستی بە دابەشکردنی نەوتی سپی لەناو
سەنتەری شاری هەولێر کرد".
ئاماژەی بەوەشکرد:"
وەزارەتەکەمان لە چاوەڕوانی نەوتی سپی حکومەتی عێراقدایە و بۆ ئەم مەبەستەش، چەندین
نووسراومان ئاڕاستەی لایەنی پەیوەندیدار کردووە، لەگەڵ ئەوەشداکە وەزارەتی نەوتی
عێراق ئامادەییان دەربڕیوە، بەڵام تاوەکو ئێستا پشکی هەرێم لە نەوتی سپی نەگەیشتووە".
باسی لەوەشکرد:" ئەمەش
لەکاتێکدایە، وەزارتی سامانە سرووشتییەکان لە رێگەی هەوڵەکانی و بە پاڵپشتی تەواوی
حکومەت توانیویەتی بە نرخی پاڵپشتیکراو، زیاتر لە ١١٦ ملیۆن و ٢٠٩ هەزار لیتر
نەوتی سپی دابین بکات و بەسەر ٥٨١ هەزار خێزاندا دابەشی بکات".