کەشناسی هەرێم رایگەیاند، ئەمساڵ بەراورد بە ساڵی رابردوو باران بارین بەڕێژەیەکی زۆر زیادیکردووە، دەشڵێت " ئەمساڵ زۆرترین رێژەی بارانبارین لە پاریزگای هەولێر تۆمارکراوە ".

بەشی کەشناسی سەر بە وەزارەتی گواستنەوە و گەیاندن ئاماژەی بەوەکرد:" لە سەرەتای ئەمساڵەوە تاکو ئێستا لە سنووری پارێزگای هەولێر ١٤٤.٧ ملم باران باریوە، لەکاتێکدا ساڵی رابردوو لەم کاتەدا تەنها ١١.٥ ملم باران باریوە و جیاوازییەکەی ١٣٣.٢ ملمـە ".

لەبارەی رێژەی بارانبارین لە سنووری پارێزگای سلێمانیش باسی لەوەکرد:" تاکو ئێستا ٧٩.٤ ملم باران باریوە و ساڵی رابردوو لە هەمان وادەدا تەنها ٤٣.٢ ملم باران باریبوو، واتە ئەمساڵ تاکو ئێستا ٣٦.٢ ملم زیاتر باریوە ".

کەشناسی هەرێم ئەوەشی خستەڕوو:" لە سنووری پارێزگای هەڵەبجە ئەمساڵ تاکو ئێستا ١٠٠.٦ ملم باران باریوە، لە کاتێکدا ساڵی رابردوو ٣٢.٦ ملم باران باریبوو ".