پۆلیسی هیندستان ئەو
کۆترەی ئازاد کرد کە گومان دەکرا بۆ کاری سیخوڕی لەلایەن چینەوە بەکارهێنرابێت.
ئاژانسی هەواڵی "پرێس
ترێست ئۆف ئیندیا" بڵاویکردەوە، لە مانگی ئایاری رابردوو حکومەتی هیندستان لە
نزیک بەندەری مۆمبای دەستی بەسەر کۆترێکدا گرت کە کاغەزێکی بچووک بە پێیەکانییەوە
لکێنرابوو، نوسینێک هاوشێوەی پیتەکانی بە زمانی چینی لەسەر نوسرابوو ".
ئەو ماڵپەڕە هەواڵییە باسی
لەوەشکرد:" پاش هەشت مانگ لە دەستبەسەرکردنی، دەرکەوت ئەو کۆترە لە وڵاتی
تایوانەوە هاتووە و پێشبڕکێی پێکراوە و بۆ کاری سیخوڕی بەکارنەهێنراوە، بۆیە
لەلایەن پۆلیسی هیندستانەوە ئازادکراوە ".
چەند ساڵێک پێش ئێستا هەر
لە هیندستان کۆترێکی دیکە دۆزرایەوە، کە کاغەزێک بە پێیەوە بوو، تێیدا نامەیەکی
هەڕەشەئامێزی بۆ سەرۆکوەزیرانی هیندستانی لەسەر نوسرابوو.