نێچیرڤان بارزانی سەركۆنەی هێرشەكەی سەر كێڵگەی غازی كۆرمۆر دەكات و دەڵێت:" پێویستە حكومەتی فیدراڵی ئەركی خۆی جێبەجێبكات و رێگریبكات لە دووبارەبوونەوەی ئەو هێرشانە".
نێچیرڤان بارزانی، سەرۆكی هەرێمی كوردستان سەركۆنەی هێرشەكەی سەر كێڵگەی غازی كۆرمۆری كرد و لە راگەیەندراوێكدا بڵاویكردەوە:" بە توندی سەركۆنەی هێرشی سەر كێڵگەی غازی كۆرمۆر لە چەمچەماڵی سەر بە پارێزگای سلێمانی دەكەم، كە بەداخەوە شەهید و برینداربوونی لێكەوتەوە و بەرهەمهێنان لە وێستگەكە كەمكردەوە".
هیوای زوو چاكبوونەوە بۆ بریندارەكان دەخوازم
ئامكاژەی بەوەشكردووە:" سەرەخۆشی خۆم ئاراستەی كەسوكاری شەهیدەكان دەكەم و هیوای زوو چاكبوونەوە بۆ بریندارەكان دەخوازم".
پێویستە ئەنجامدەرانی لە هەر لایەنێكەوە بن بدۆزنەوە و بە سزای یاسایی خۆیان بگەیەندرێن
ئەوەشیخستەڕوو:" ئەم هێرشانە ئارامی و سەقامگیری وڵات دەخاتە مەترسییەوە، پێویستە لایەنە پەیوەندیدارەكان لە حكومەتی فیدراڵی ئەركی خۆیان جێبەجێبكەن بۆ ڕێگریكردن لە دووبارەبوونەوەی ئەو هێرشانە، ئەنجامدەرانی لە هەر لایەنێكەوە بن بدۆزنەوە و بە سزای یاسایی خۆیان بگەیەندرێن".