کچە خوێندکارێکی
کورد لە ئەمەریکا، دوای تەواوکردنی قۆناغی ئامادەیی، راستەوخۆ قۆناغەکانی یەکەم و
دووەمی زانکۆ دەبڕێت و لە قۆناغی سێهەمی
زانکۆوە دەستپێدەکات.
بە پێی راپۆرتێکی
"دەنگی ئەمریکا"، زین بەگزادە کە کچە کوردێکی تەمەن 18
ساڵە و لەگەڵ خێزانەکەی دانیشتووی ویلایەتە یەکگرتووەکانی ئەمریکایە، ئەمساڵ خوێندنی
ئامادەیی بەسەرکەوتوویی بڕی و ساڵی ئایندە دەچێتە خوێندنی زانکۆ و بەشی پەرستاری
دەخوێنێت، بەڵام بەهۆی بەرزی نمرەکانییەوە لە قۆناغی سێهەمی زانکۆوە دەستپێدەکات.
زین بەگزادە دەڵێت:" ئەوەی من بەدەستمهێناوە هەموو
کەسێک لە ئەمریکا دەتوانێت بەدەستی بهێنێت، بەڵام هەوڵ و ماندوبوون و شەونخەونی
زۆری دەوێت ".