بابەتە سەرەکیەکە: وتەبێژی كۆمسیۆنی باڵای سەربەخۆی هەڵبژاردنەكانی عێراق رایگەیاند، لە چوار پارێزگاكەی هەرێم 214 هەزار و 112 دەنگدەر تاوەكو ئێستا كارتەكانیان وەرنەگرتووەتەوە.

لێدوانی فەرمی: جومانە غەلای وتەبێژی كۆمسیۆنی باڵای سەربەخۆی هەڵبژاردنەكانی عێراق بە میدیای فەرمی یەکێتی راگەیاند: لە پارێزگای هەولێر لە كۆی یەك ملیۆن و 15 هەزار و 588 كارتی دەنگدان 943 هەزار و 27 كارت لەلایەن خاوەنەكانیانەوە وەرگیراونەتەوە و 72 هەزار و 561 كارتیش تا ئێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای هەولێر %92.86.

ئەمەشی وت: لە پارێزگای سلێمانی لەكۆی یەك ملیۆن و 83 هەزار و 248 كارتی دەنگدان، 970 هەزار و 691 كارت لەلایەن خاوەنەكانیانەوە وەرگیراونەتەوە و 112 هەزار و 557 كارتیش تائێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای سلێمانی %89.61.

چی دیکە: لە پارێزگای دهۆك لەكۆی 737 هەزار و 859 كارتی دەنگدان، 711 هەزار و 958 كارت لەلایەن خاوەنەكانیانەوە وەرگیراونەتەوە و 25 هەزار و 901 كارتیش تائێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای دهۆك %96.49.

هاوکات: لەبارەی پارێزگای هەڵەبجە وتەبێژی كۆمسیۆن وتیشی: لەكۆی 62 هەزار و 883 كارتی دەنگدان، 59 هەزار و 790 كارت لەلایەن خاوەنەكانیانەوە وەرگیراونەتەوە و 3 هەزار و 93 كارتیش تائێستا وەرنەگیراونەتەوە، بەمەش رێژەی وەرگرتنەوەی كارتی دەنگدان لەپارێزگای هەڵەبجە %95.08.