بابەتی سەرەکی: سەرۆککۆماری ئێران باسی هەرێمی کوردستان و رۆهەڵاتی کوردستان دەکات و دەڵێت " هەموومان وەکو یەکدین، تەنیا یەک هێڵیان کێشاوە کە لە یەکدی جیایان بکەنەوە".

لێدوانی فەرمی: مەسعود پزیشکیان، سەرۆککۆماری ئێران بە ماڵپەڕی ''دکتۆر پزیشکیان''ی وت:" ئێمە لە هەردوولای سنوور کوردنشینمان هەیە، هەموومان وەکو یەکدین، تەنیا یەک هێڵیان کێشاوە کە لە یەکدی جیایان بکەنەوە و شەڕ دروست بکەن".

ئەمەشی وت:" ئێمە نەک تەنیا شەڕمان نییە، بەڵکو پێکەوە لە پەیوەندیداین، بەلووچەکانی ئەملاش لەگەڵ بەلووچەکانی ئەولا لە پەیوەندیدان، ئێمە پێکەوە براین".

چی تر: سەرۆککۆماری ئێران باسی لەوەشکرد:" لە نێوان ئێمە و دراوسێکانمان پەیوەندیی خزمایەتی هەیە و ناکرێ لەبەرچاو نەگیرێت، ئەمە دەرفەتێکە و دەکرێ بۆ پەرەپێدانی پەیوەندییەکان بەکاربهێنرێن، ئەوکات ژیانی خەڵکی ئێمە لە هەردوولای سنوور بەرەو باشی دەچێت".