چی روویدا: بافڵ جەلال تاڵەبانی، سەرۆکی یەکێتیی نیشتمانیی
کوردستان لە دەباشان پێشوازی لە ماتسو مۆتۆ، باڵیۆزی یابان لە عیراق کرد و وتی" هیوادارین یابان هانی كۆمپانیا و سەرمایەدارانیان
بدەن بۆ فراوانتركردنی كارەكانیان لە هەرێمی کوردستان ".
راگەیەندراوی فەرمی: بافڵ جەلال تاڵەبانی،
سەرۆکی یەکێتی دەڵێت:" لە هەموو كارئاسانییەك دەكەین تاوەكو ژێرخانی ئابووریی
هەرێمەكەمان بەهێزتربكەین، بۆ ئەمەش هیوادارین یابان رۆڵێكی گرنگتر و چالاكانەتر
بگێڕن و هانی كۆمپانیا و سەرمایەدارانیان بدەن بۆ فراوانتركردنی كارەكانیان".
زیاتر: پەرەپێدانی هەماهەنگییە
كولتووری و فەرهەنگییەكانی نێوان هەرێمی كوردستان بەتایبەت سلێمانی كە پایتەختی رۆشنبیرییە
لەگەڵ یابان تەوەرێكیتری دیدارەكە بوو و گفتوگۆی پێویستی لەبارەوەكرا.