بابەتە سەرەکیەکە: ئەندامێکی پەرلەمانی عێراق لە فراکسیۆنی یەکێتی بە گرنگییەوە دەڕوانێتە ئەم سەرژمێرییەوە و داوا دەکات خەڵک بگەڕێتەوە بۆ ناوچەکانی خۆیان.

لێدوانی فەرمی: سۆزان مەنسوور ئەندام پەرلەمانی عێراق بە BMC راگەیاند: ئەم سەرژمێرییە زۆر گرنگە، دەمان باتەوە بۆ سەرژمێری ساڵی 1957، چونکە کۆتا جار کە ساڵی 1997 سەرژمێری کراوە بە بێ هەرێمی کوردستان ئەنجام دراوە.

زیاتر: مەترسی زۆرە لەبەردەم ئەم پرۆسەیە، یەکێک لەوانە ترس هەیە خەڵکی راستەقینەی ئەم ناوچانە ناونووس نەکرێن لە زێدی خۆیان، چونکە پێشتر لە ناوچەکانی خۆیان دوورخراونەتەوە بە هەر هۆکارێک بێت.

چی تر: لە ناوخۆی هەرێمی کوردستان و عێراقیش کەمتەرخەمی هەیە لە ئامادەکاری کردن و هۆشیارکردنەوەی خەڵک، چونکە ئەم سەرژمێرییە پەیوەستە بە بودجەی خەڵک و شارەوانیی و پارێزگاکان، هەروەها کاریگەری دەبێت لەسەر رێژەی کورسییەکانی پەرلەمان.

ئەمەش هەیە: یەکێتی هەوڵێکی زۆری داوە لەگەڵ حکومەتی عێراق، ئەم سەرژمێرییە کەمترین زیانی بۆ ناوچە کێشە لە سەرەکان دروست بکات.