بابەتە سەرەکیەکە: کامێراکانی خاڵ بۆ خاڵی نێوان رێگای تاسوڵجە بۆ چەمچەماڵ کارادەکرێت.

راگەیەندراوی فەرمی: ئەمڕۆ یەکشەممە، بەرێوبەرایەتی هاتوچۆی سلێمانی بڵاویکردەوە، لە کاتژمێر 12ـی نیوەڕۆی چوارشەممەوە ، کامێراکانی (پۆینت تو پۆینت)ی نێوان تاسڵوجە – چەمچەماڵ لە سەرەتای پردی تاسڵوجە تا کۆتایی بازگەی (بانی مەقان) دەکەونە کار.

ئەمەش هەیە: " داوا لە شۆفێران دەکەین پابەند بن بەو خێراییانەی کە لە هێماکانی هاتوچۆدا دیاریکراوە، چونکە لە چوارشەممەوە کامێراکان سەرپێچی تۆماردەکەن، بەڵام لە ئێستادا کامێراکان بەشێوەی تاقیکاری کاردەکەن. "

زیاتر: کە باس لەوە دەکرێت شۆفێر لە ئاستی کامێراکان بەخێرایی یاسایی بڕوات دواتر خێراییەکەی زیاد بکات تا ئاستی کامێرایەکی تر وە دووبارە هێواشی بکاتەوە خێرایی تۆمار ناکات هەڵەیە ، چونکە سیستەمی خاڵ بۆ خاڵ ( پۆینت تو پۆینت) ئەو ماوەیەی نێوان کامێراکان هەژمار دەکات وە سەرجەم کامێراکان بە هەردوو ئاراستە لە نێوان تاسڵووجە – چەمچەماڵ و بە پێچەوانەوە بەرەو ئاراستەی سلێمانی بەستراونەتەوە بەیەکەوە کە ژمارەیان (28) کامێرایە.