بابەتە سەرەکیەکە: هاتوچۆی هەولێر چەند بڕیارێکی نوێی دەرکرد و رایگەیاند، بەکارهێنانی ئۆتۆمبێلی بێسەرەتا لە سەرجەم شەقامەکانی هەولێر قەدەغەیە.

راگەیەندراوی فەرمی: بەڕێوەبەرایەتی هاتوچۆی هەولێر رایگەیاند: لەپێناو رێکخستنی شەقام و کەمکردنەوەی جەنجاڵی و رووداوی هاتوچۆ لە شەقامەکان و نەهێشتنی حاڵەتی بەکارهێنانی ئۆتۆمبێلی بێسەرەتا، ئەم بڕیارانەی خوارەوە دەركران:

- قەدەغەکردنی هاتوچۆی پایسکیل و ماتۆڕسکیل، بە هەردوو جۆری دووتایە و سێتایە، لەسەر شەقامی خێرای 120 مەتری و 150 مەتری.

- قەدەغەکردنی هاتوچۆی ئۆتۆمبێلی قورسی بواری بیناسازی و کشتوکاڵی بەهۆی ئەوەی خێراییەکانیان لە (80کم/لە کاتژمێرێک) کەمترە، لە هەردوو شەقامی 120 مەتری و 150 مەتریی خێرا، بەڵکو دەبێت لەسەر فلات بگوازرێنەوە.

- قەدەغەکردنی بەکارهێنانی ئۆتۆمبێلی بێسەرەتا لە سەرجەم شەقامەکانی شاری هەولێر.

زیاتر: هەر شۆفێرێک سەرپێچیی ئەم بڕیارانە بکات، رێکاری یاسایی بەرامبەر دەگیرێتە بەر و ئۆتۆمبێل یان ماتۆڕسکیلێکەكەی دەستی بەسەر دادەگیرێت.