بابەتە سەرەکیەکە: بەرێوەبەرایەتی کەشناسى و بومەلەرزەزانی پێشبینیەکانی کەشوهەوای ئەمڕۆ و سبەی شارەکانی هەرێمی بڵاوکردەوە.

راگەیەندراوی فەرمی: بەڕێوەبەرایەتی گشتی کەشناسى و بومەلەرزەزانی بڵاویکردەوە: ئەمڕۆ یەکشەممە، ئاسمان ساماڵ و پەڵە هەور دەبێت و لە ئێوارەدا دەگۆرێت بۆ نیمچە هەور، لەشەودا کاریگەری شەپۆلێکی باران بارین لەگەڵ کاریگەری بارستە هەوایەکی ساردی جەمسەری روو لە ناوچەکەمان دەکات.

چی دیکە: ئەمشەو باران بارین لەناوچە جیاجیاکان دەست پێدەکات بەشێوەی نمە باران دەستپێدەکات و لە ناوچە سنووریەکانیش بەفر دەبارێت و پلەکانی گەرما نزیکدەبنەوە لە تۆمارکراوەکانی دوێنێ.

ئەمەش هەیە: سبەی دووشەممە، کاریگەری شەپۆلی باران بارین زیاتر دەبێت لە ئەنجامی زیادبوونی کاریگەری بارستە هەوایەکی جەمسەری پلەکانی گەرما زیاتر روو لە نزمبوونەوە دەکەن و شەپۆلێکی بەفربارین سەرجەم ناوچە سنوورییەکان و ناوچە شاخاوییەکان بەتایبەت دەبارێت.

زیاتر: باران بارین لەهەندێ کات نمە باران و بارانی مامناوەند لەسەرجەم ناوچە جیاجیاکان دەبارێت و پلەکانی گەرما دوو تا پێنج پلە نزمدەبنەوە لە ناوچە شاخاوییەکان.