بابەتە سەرەکیەکە: شەپۆلی سەرما و  بارانبارین لە بەشێک لە ناوچەکانى هەرێم کۆتای پێدێت.

راگەیەندراوی فەرمی: بەرێوبەرایەتی کەشناسی و بومەلەرزەزانی هەرێم رایگەیاند، ئەمڕۆ چوار شەممە ئاسمان بە گشتی نیمچە هەور دەبێت  لە ناوچە شاخاوییە بەرزەکان و سنوورییەکان  ئەگەر هەیە کەمێک بەفر ببارێت.

ئەمەش هەیە: لە  سەنتەری پارێزگاکان و سەرجەم ناوچە جیاجیاکانی دیکەی هەرێمی کوردستان  تاوەکو و کاتەکانی دوای نیوەڕۆ ئەگەری باران بارینی پچڕ پچڕی هەیە.

زیاتر: لە کاتەکانی ئێوارە کەشەکە جێگیر دەبێت و کاریگەری شەپۆلی بارانبارین کۆتایی دێت و ئاسمان بۆ ساماڵ دەگۆڕێت. 

کەشناسی هەرێم باسی لەوەشکردووە: سبەینێ پێنجشەممە ئاسمان ساماڵ و سارد دەبێت، پلەکانی گەرما لەکاتەکانی بەیانی بە چەند پلەیەک نزم دەبێتەوە.

هاوکات: لە ناوچە شاخاوییەکان پلەکانی گەرما بۆ سفر پلەی سیلیزی یان بۆ ژێر سفر پلەی سیلیزی دادەبەزێت.