بابەتە سەرەکیەکە: کەمی ڤیتامین B12 چەندین نیشانەی هەیە کە کاریگەری خراپ لەسەر ئەندامەکانی جەستە دروستدەکات و بە شێوازی جیاواز کاردانەوەی دەبێت.

کێ وتی: نەخۆشخانەی هەرێم بڵاویکردەوە: جەستەی مرۆڤ رۆژانە پێویستی بە 2.4 مایکرۆگرام ڤیتامین B12 هەیە بۆ ئەنجامدانی ئەرکی گرنگ لە جەستەدا، جەستەی مرۆڤ ناتوانێت ئەم ڤیتامینە بەرهەم بهێنێت، بۆیە دەبێت لەڕێگەی خۆراک و تەواوکەرەکانەوە دابین بکرێت.

زیاتر: کاتێک ڤیتامین B12 ی پێویست لەڕێگەی خۆراک و تەواوکەرەکانەوە بەدەست ناهێنن، جەستە بە شێوازی جیاواز کاردانەوەی دەبێت بەرامبەر بە کەمی ئەو ڕێژەیە.

نیشانەکانی کەمی ڤیتامین B12؛

سڕبوونی ئەندامەکانی جەستە: یەکێک لە نیشانە کلاسیکەکانی کەمی ڤیتامین B12 سڕبوونی ئەندامەکانە، چونکە ئەم ڤیتامینە ڕۆڵێکی سەرەکی دەگێڕێت لە بەرهەمهێنانی گواستەرە دەمارییەکان.

سەختی ڕۆیشتن: ئەو کەسانەی ڕێژەی ڤیتامین B12 یان ڕێژەکەی کەم بووە ناتوانن بە باشی بڕۆن، سڕبوونی ئەندامەکان بە تایبەت قاچەکان کێشە بۆ مرۆڤ دروست دەکات بۆ ڕۆیشتن.

کێشەی بیرەوەری: ڤیتامین B12 ڕاستەوخۆ پەیوەندی بە تەندروستی دەروونییەوە هەیە، بۆیە کەمی ڤیتامینەکە دەبێتە هۆی کێشەی مەعریفی و کاریگەری لەسەر توانای مرۆڤ بۆ عەقڵ و بیرکردنەوەکانی دەبێت. ئەم ڕووداوانە بەهۆی تێکچوونی گواستەرە دەمارییەکان ڕوودەدەن.

لاوازییەکی توند: ئەو کەسانەی کەمی ڤیتامین B12 یان هەیە بەزۆری تووشی ماندوێتی و لاوازی دەبن بەهۆی چەندین هۆکارەوە، لە ڕاستیدا لاوازی وەڵامی سروشتی جەستەیە بۆ هەر تێکچوونێکی بایۆلۆجی، ئەگەر هەستت بە ماندوێتی کرد بەبێ هۆکارێکی دیاریکراو، واباشترە سەردانی پزیشک بکەیت و پشکنینی خوێن ئەنجامبدەیت.